THE 
“ ခင်သူနဲ့ ကြင်သူနဲ့ ကမ္ဘာအပြင်ဘက်သွားချင်သူပါ”
ကဲ..ကဲ Blossoms လေးတို့ထဲမှာရော ကမ္ဘာအပြင်ဘက် သွားချင်သူလေးတွေရှိကြလား…? 👀
ခင်သူ ကြင်သူမရှိသေးလည်း ကမ္ဘာအပြင်ဘက် သွားလို့ရတဲ့နည်းရှိနေပါသေးတယ်နော် ✨️
ဟုတ်တာပေါ့ အာကာသယာဥ်မှူး တစ်ယောက်သာဖြစ်မယ်ဆိုရင်တော့ “အာကာသလမ်းမများပေါ် ပြေးထွက်သွား” လို့ရနေပါပြီ။
ဒါပေမဲ့ဆရာရေ…ဒီတိုင်းကြီးတော့ “ တိမ်လွှာကိုကျော်ကာနေမှာလားအချစ်ရဲ့” ဆိုသလို ဘာမှ မပြင်ဆင်ဘဲနဲ့တော့ သွားလို့မရတာမလို့ Space Missions တွေမလုပ်ခင် ကြိုတင်လေ့ကျင့်ပြင်ဆင် ရပါဦးမယ်နော်🪐
ဘယ်လို trainings တွေလဲဆိုတော့…
🏃➡️ Physical Training
💻 Technical Training
💬 Survival Training
🌟 Mental Training
🔥 Specialised Training for Specific Missions စတဲ့ မရှိမဖြစ် ပြင်ဆင်မှုတွေ လုပ်ဆောင်ဖို့ လိုအပ်ပါတယ်
🏃➡️ Physical Training
ကိုယ်ကသာ သူ့ကိုဆွဲထားပေမဲ့ အာကာသထဲမှာပေါ့ ဆွဲထားမဲ့ ဆွဲအားမရှိတာကြောင့် weightlessness ကိုလိုက်လျောညီထွေရှိစေဖို့ ကိုယ်ခံအားကောင်းအောင် ၊ ကြွက်သားနဲ့ အရိုးတွေ သန်စွမ်းအောင် လေ့ကျင့်ခန်းတွေလုပ်ရပါတယ်။
✨️ဒါ့အပြင် ဆွဲအားရှိနေရာကနေ အာကာသရဲ့ zero gravity နဲ့ကြုံတွေ့ရတဲ့အခါ microgravity က အရိုးကြွက်သားတွေကို အားလျော့စေတာမလို့ lovesick မဟုတ်တဲ့ ဒီလို motion sickness မျိုးကို ခံနိုင်ရည်ရှိပြီး သူမရှိလည်းအဆင်ပြေ (အဲ..မှားလို့ 🫢) ကမ္ဘာဆွဲအားမရှိလည်း ဟန်ချက်ညီညီ ထိန်းထားနိုင်အောင် cardio exercises, strength trainings, flexibility routines တွေကိုလည်း လေ့ကျင့်ပြင်ဆင်ကြရပါတယ်။
✨️Rotating chair ပေါ်မှာထိုင်ပြီး လေ့ကျင့်ရတဲ့ Vestibular Training က Motion sickness ကိုလျှော့ချပြီး Balance ထိန်းတဲ့နေရာမှာ အရေးပါလိုအပ်တဲ့ Training တစ်ခုဖြစ်ပါတယ်။
Microgravity ကို စက္ကန် ၂၀-၃၀ ကြာ simulate လုပ်ထားနိုင်အောင် wave-like pattern နဲ့ ပျံသန်းနေတဲ့ Parabolic Flights - Vomit Comet တွေနဲ့လည်း လေ့ကျင့်ရပါတယ်။
✨️Spacecraft ရဲ့အပြင်ဘက်မှာ လုပ်ဆောင်ရတဲ့ လုပ်ငန်းတွေကိုအခက်အခဲမရှိ လုပ်ကိုင်နိုင်ဖို့ NASA က စီမံတဲ့ Neutral Buoyancy Laboratory မှာ အာကာသဝတ်စုံ အပြည့်ဝတ်ဆင်ပြီး spacecraft ပုံစံတုတွေနဲ့ တကယ်အာကာသထဲမှာ သွားလာနေသလို ဖြစ်အောင် လေ့ကျင့်ရပါတယ်။
ဒါက weightlessness ကို ခံနိုင်ရည်ရှိအောင် အထောက်အကူပြုပါတယ်။
ယာဥ်လွှတ်တင်တဲ့အချိန်နဲ့ ကမ္ဘာ့လေထုထဲကို ပြန်လည်ဝင်ရောက်တဲ့အချိန်မှာ ကြုံတွေ့ရမဲ့ ဆွဲအားတွေကို ခံနိုင်ရည်ရှိစေဖို့ Centrifuge training လုပ်ရပါတယ်။
💻 Technical Training
✨️Scientific Research တွေလုပ်ဖို့နဲ့ အရေးပေါ်အခြေအနေတွေကို ကိုင်တွယ်ဖြေရှင်းနိုင်ဖို့ အာကာသယာဥ် ပုံစံတူတွေနဲ့ လွှင့်တင်ခြင်း ၊ ပျံသန်းခြင်း ၊ ဆိုက်ကပ်ခြင်း ၊ ဆင်းသက်ခြင်း အစရှိသဖြင့် ကြိုတင်သင်ကြား လေ့ကျင့်ရပါတယ်။
✨️Canadarm2 လို Robotic Arms တွေအသုံးပြုပြီး International Space Station အတွက် ပြုပြင်မွှန်းမံတာတွေ၊ ကမ္ဘာမြေကလွှတ်တင်လိုက်တဲ့ cargo တွေကိုဖမ်းယူခြင်း၊ ပြုပြင်ခြင်းတွေ ဆောင်ရွက်နိုင်ဖို့ လေ့ကျင့်ရပါတယ်။ Space Research တွေလုပ်ကိုင်နိုင်ဖို့ သက်ဆိုင်ရာ ပညာရပ်တွေမှာ ကျွမ်းကျင်ပိုင်နိုင်ဖို့လည်း အလေးထားသင်ယူကြရပါတယ်။
💬 Survival Training အနေနဲ့ဆိုရင်တော့ ကမ္ဘာမြေပေါ်ဆင်းရာမှာ ရုတ်တရက်ဖြစ်ပေါ်လာနိုင်တဲ့ အခြေအနေတွေအတွက် ကြိုတင်လေ့ကျင့်ထားရတာပါ။
✨️သဲကန္တာရ၊ ပင်လယ်နဲ့ သစ်တောအုပ်တွေမှာ အရေးပေါ်ဆင်းသက်မှုတွေလုပ်နိုင်အောင်
✨️မီးလောင်မှုနဲ့ အောက်ဆီဂျင် လျော့ကျမှုကို ကိုင်တွယ်ဖြေရှင်းနိုင်အောင်
✨️မတော်တဆမှုကြုံပြီး အာကာသယာဥ်တွေ ပျက်ကျသွားခဲ့ရင် ကယ်ဆင်ရေးအဖွဲ့တွေ ရောက်မလာခင်အထိ အသက်ရှင်နေနိုင်အောင် နဲ့ အကူအညီရရှိဖို့ အချက်ပြနိုင်အောင် စသဖြင့် လေ့ကျင့်ကြရပါတယ်။
ဒီလို ကွင်းဆင်းလေ့ကျင့်မှုတွေကို ရာသီဥတုပြင်းထန်တဲ့နေရာတွေမှာ လက်တွေ့ဆောင်ရွက်ကြရပါတယ်။
🌟Mental Training
စိတ်ဓါတ်ကြံ့ခိုင်ဖို့နဲ့ စိတ်ဖိစီးမှုကိုလျှော့ချနိုင်ဖို့၊သီးခြားနေထိုင်နေရတာကို လက်ခံပြီးလိုက်လျောညီထွေနေနိုင်ဖို့ နဲ့ အာကာသထဲမှာ အသင်းအဖွဲ့စိတ်ဓါတ်ရှိရှိလုပ်ငန်းတာဝန်တွေ ထမ်းဆောင်နိုင်ဖို့ အဓိကထားပြင်ဆင်ရပါတယ်။
✨️ ရုတ်တရက် အရေးပေါ်အခြေအနေကြုံလာတဲ့အခါမျိုးမှာ ဖိအားအောက်မှာ စိတ်ငြိမ်ပြီး မှန်ကန် မြန်ဆန်တဲ့ ဆုံးဖြတ်ချက်တွေချနိုင်အောင်လို့လည်း လေ့ကျင့်ရပါတယ်။
✨️ International Team တွေနဲ့ ဆက်စပ်လုပ်ကိုင်ရမှာတွေလည်းရှိတတ်တာကြောင့် ယဥ်ကျေးမှုကွဲပြားခက်တွေကိုနားလည်ထားဖို့နဲ့ ဘာသာစကားလေ့လာတာတွေ၊ ပေါင်းသင်းဆက်ဆံရေးကောင်းမွန်အောင်လေ့ကျင့်တာတွေ၊ problem solving skills နဲ့ Conflict Resolution ကောင်းမွန်ပြည့်စုံအောင်ပါ ဖြည့်တင်းထားရပါတယ်။
ဒါမှသာ ကာယရော ဥာဏပါ ပြည့်စုံတဲ့ အာကာသယာဥ်မှူးကောင်းတွေဖြစ်လာကြမှာပါ။
🔥Specific Missions တွေအတွက် အထူးလေ့ကျင့်ရေးတွေမှာဆိုရင် ကိုယ်လုပ်ရမဲ့ missionsတွေအပေါ်မူတည်ပြီး အသုံးပြုရမဲ့ ယာဥ်တွေရဲ့စနစ်တွ၊ ထိန်းချုပ်ပုံတွေ၊ အရေးပေါ်လိုက်နာရမဲ့ ကျင့်ဝတ်တွေကို သိကျွမ်းရင်းနှီးထားဖို့လိုပါတယ်။ သွားရမဲ့ destination ပေါ်မူတည်ပြီးတော့လည်း လေ့ကျင့်ရတဲ့ trainings တွေက မတူညီကြပါဘူး။
ဒီလို အထူးလေ့ကျင့်မှုတွေအတွက် ၃နှစ်ကနေ ၅နှစ်အချိန်ယူရပြီး basic trainings တွေက ၂နှစ်ခန့်က လေ့ကျင့်ရပါတယ်။
🪐ဒီနေ့ဝေမျှပေးခဲ့တဲ့ အာသကာထဲမသွားခင် ကြိုတင်ဖြည့်တင်းထားသင့်တဲ့ လေ့ကျင့်မှုတွေကို NASA ရဲ့ နည်းစနစ်တွေအပေါ်အခြေခံပြီး ပြောပြပေးထားတာဖြစ်ပြီး အခြားအဖွဲ့အစည်းတွေဖြစ်တဲ့
ESA (European Space Agency)
Roscoe,prosperous (Russia)
JAXA(Japan)
CSA (Canadian Space Agency)
တို့မှာလည်း အလားတူဆောင်ရွက်မှုတွေရှိပြီး ကွာခြားမှုအနည်းငယ်မျှရှိပါတယ်။
Blossoms လေးတို့အတွက် NASA ရဲ့လေ့ကျင့်မှု Video Link လေးထည့်ပေးထားပါတယ်။
https://youtu.be/AEblL0w2ODQ?si=QeHidkcSU_Zke7qP
https://youtu.be/WvT3hMVrSzs?si=wY6353Ci0Yjwqx2H
နောက်ရက်တွေမှာလည်း အာကာသနဲ့ပတ်သက်
ပြီး စိတ်ဝင်စားစရာ အကြောင်းအရာတွေနဲ့ ပြန်လာခဲ့မှာမလို့ စောင့်မျှော်ပေးကြပါဦးခင်ဗျာ။
